ILOILO CITY — Nagdangat sa 714 ka modernized jeep unit ang nakabenepisyo sa Libre Sakay Program sang Land Transportation Franchising and Regulatory Board Region 6 sa idalum sang Department of Transportation.
Sa interview sang Radyo Bandera Iloilo kay Atty. June Altura, spokesperson sang LTFRB 6, ginpahayag sini nga sa kabug-usan may yara sang 7,914,952 ka mga persona ang nakabenepisyo sang amo nga programa sa bug-os nga rehiyon.
Suno pa kay Altura, may yara naman sang 36 ka mga operators ang nagapanag-iya sang mga salakyan nga gina usar sa nasambit nga programa.
Sa pihak nga bahin, nagapasalamat naman ini nga pito lang ka mga reklamo ang nabaton sang talatapan umpisa sang nagsugod ini.
Nahibaluan nga sa Hunyo 30, magatakop ang programa kadungan sang pagtapos sang termino sang Duterte administration.