Monday, February 6, 2023

75-anyos nga traysikad driver sang distrito sang Mandurriao nga nagapuyo sa guba nga multicab, nakabaton sa bulig halin sa Radyo Bandera Iloilo

- Advertisement -

Tuman ang pagpasalamat ni Tatay Eduardo “Eddie” Alvarez, 75-anyos sang Brgy. Onate de Leon, Mandurriao nga nagapuyo sa isa ka abandonado nga multicab sa higad sang kalsada matapos nga mangin isa ka benepisyaryo sang Radyo Bandera Iloilo Serbisyong Bandera, Wow May Puso.

Nagserbe nga proteksyon sa ulan kag init ang tarapal nga ginpalibot niya sa multicab.

Sang mga nagliligad nga binulan, ginkawat pa ang royda sang salakyan kag may pila naman ka insidente nga ginkawat ang pila niya ka mga kagamitan.

- Advertisement -

Wala sang kuryente kag kun kaisa malab-ot pa sang pagbaha ang iya ginatulugan.

Si Tatay Eddie ang mas kilala sa tawag nga ‘Tatang Traysikad’ sa ila nga lugar kun sa diin 15 na ini ka tuig nga nagabiyahe.

Suno pa sa iya sang pulupagsik pa siya makakita siya sang tubtob P300 sa isa ka adlaw nga pagbiyahe apang sa karon nga nagabatyag siya highblood, diabetes kag pagkurap-kurap sa mata, P100 na lang pinakamataas niya nga income.

- Advertisement -

Naga-isahanon ini nga ginasuportahan ang iya kaugalingon bangud wala ini sang kaugalingon nga pamilya matapos nga nagmasakit kag wala na nakapangasawa.

Nabudlayan ini sa pagsustinir sang iya pangadlaw-adlaw nga kinahanglanon apang sa maayo nga palad, may pila ka nagabulig sa iya paagi libre nga pakaon kag pagbulong.

Sa karon, mahina ang biyahe kapin pa kay nagapalaminhod naman ang iya tiil rason nga nagauntat-untat ini sa pagbiyahe.

- Advertisement -

Makit-an sa iya mga mata ang paglaum sang naghatag ang Radyo Bandera Iloilo kag RYU Foundation ni Doc Ramel Uy sang isa ka sako nga bugas, grocery items lakip diri ang DTX Coffe mix nga isa ka healthy coffee kag P500 nga bulig pangsapin-sapin sa iya matag-adlaw.

Matigda naman niya nga ginsambit ang mga tinaga nga sa Serbisyong Bandera, Wow May Puso!

Padayon nga magahatag ang Radyo Bandera Iloilo sa mga pamilya nga pigado kag nagakinahanglan sang bulig gani kabandera bantayan kay basi ikaw na ang masunod nga mahatagan.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,350SubscribersSubscribe

Latest Articles