ILOILO CITY — Nagnubo ang 8 focus crime sa bug-os nga Western Visayas suno sa Police Regional Office 6 kun ikumparar sang tinalikdan nga tuig.
Sandig sa data sang ahensya, humalin Enero tubtub Hulyo nagnubo sa 11% ang focus crimes sa diin nakarekord ini lang sang 1,278 samtang nagdangat naman sa 1,444 sang tinalikdan nga tuig sa kapareho nga period.
Nalakip sa 8 focus crimes ang murder, rape, homicide, physical injury, theft, robbery kag carnapping.
Sa padayon nga kampanya sang kapulisan batok sa mga krimen, dako ang partisipasyon sang mga pumuluyo sa mga otoridad agud mapatuman sang mga ini ang layi kag mga mandu kag mapabilin ang kalinong.
Nagpasalig man ang ahensya nga ginatinguhaan nila nga maresolba ang mga kaso angut sa mga nasambit nga mga krimen.
