81-anyos nga tigulang nabunggo-an patay sang motorsiklo sa Dawis, New Lucena

ILOILO CITY — Patay ang 81-anyos nga si Delia Pacaco, residente sang Dawis, Pototan matapos nabunggo-an ni Albert Acse, 39-anyos sang Capiz.

Natabo ang insidente sa Barangay Dawis, New Lucena mga alas-6:40 kaina sang aga, Oktubre 25.

Suno kay Police Staff Sergeant Carlito Barte, imbestigador sang New Lucena Municipal Police Station, pakadto sa syudad sang Iloilo si Acse sang nagtabok ang biktima rason nga nabunggu-an.

Patal nga pilas sa ulo ang naagum sang tigulang kag ginhingagaw pa dala sa Iloilo Provincial Hospital apang gindeklara nga patay.

Samtang, kakas naman ang duha ka ngipon ni Acse kag sa karon yara sa kostudiya sang New Lucena Municipal Police Station.