86 ka mga barangay sa syudad sang Iloilo, apektado sang illegal nga droga

86 sa kabug-usan nga 120 ka barangay sa syudad sang Iloilo ang apektado sang Illegal nga droga base sang report sang Iloilo City Police office, as of January, 2023.

Ini ang ginpahayag ni Police Major Shella Mae Sangrines, Public Information Officer (PIO) sang Iloilo City Police Office.

Suno kay Sangrines, sa 86 ka mga kabarangayan, narekord ang 11 ka barangay sa ICPS1 (City proper), 23 sa ICPS2 (La Paz), 21 sa ICPS3 (Jaro) ,14 sa ICPS4 (Molo), 9 sa ICPS5 (Mandurriao) kag 8 naman sa ICPS6 (Arevalo).

Dugang pa sini, confidential ang pangalan sang 86 ka mga barangay kag PDEA lang ang mahimo maghingadlan sini.