Luyag sang gobernador nga tutukan kag mabuligan ang sektor sang agrikultura sa pagtuga sang ‘add value chain’ pinaagi sa pagpasanyog sang coffee kag cacao industry sa probinsya sang Iloilo.
Ini ang pahayag ni Governor Arthur Defensor Jr., sa interview sang Radyo Bandera Iloilo.
Ini ang may kaangtanan sa pagpatukod sang Gardening MorProGRes, isa ka programa sang food security, tourism kag climate change.
Suno pa sa gobernador, sini nga tuig 2022 ang nangin daku nga pagpanghangkat sa pagpagatubang sa COVID-19 kag African Swine Fever.
Luyag man sang gobernador nga mapasangkad ang Information Technology sa probinsya kadungan man sa pagbukas sang dugang nga trabaho pinaagi sa Business Process Outsourcing Companies (BPO’s).
Magluwas diri, nagaplano man ang gobernador nga maghimu sang IT parks, pinaagi sa tool map agud ma presentar ang road networks kag lugar sa probinsya nga makabulig man sa mga negosyante sa road connectivity kag network connectivity.
