Monday, August 8, 2022

Alyas “Tabu” dakop sa drug buybust operation sang SDET-2, La Paz PNP kag RPDEU

- Advertisement -

ILOILO CITY —— Dakop sa ginpatigayon nga drug buybust operation sa gintingob pwersa sang Station Drug Enforcement Team 2 (SDET-2), La Paz PNP kag Regional Police Drug Enforcement Unit (RPDEU) sa guwa sang La Paz Plaza, Brgy. Burgos – Mabini wing, las 7:30 sang gab-i.

Ginkilala ang suspek sa kay Andre Von “Tabù” Alonzo, 32 anyos, isa ka construction worker kag residente sang Brgy. Lanit, Jaro.

Sa interview sang Radyo Bandera Iloilo kay Police Major Jose Val Ladublan, Hepe sang La Paz PNP, ginapahayag sini nga masobra man sa isa ka semana ang pagmonitor sa ginakabig nga Street Level Individual (SLI) nga si Alonzo.

- Advertisement -

Dugang pa ni Ladublan, nagahalin kay alyas “Janjan” ang ginabaligya sini nga druga.

Pinaagi sa confidential agent natigayon si “Tabù” nga mabaklan sang isa ka medium size sachet sang suspected shabu gamit ang P8,100 drugbust money.

Dugang pa gid nga nakuha sa paghinakop sa suspek ang 5 pa gid ka mga dalagkuan nga sachet sang druga nga nasulod sa pouch nga nakuha sa iya nga bulsa nga may kabug-usan tanan nga 6 ka sachet sang drug item nga may kabug-aton nga 26 gramos kag may estimated market value nga P176,000.

- Advertisement -

Preso na karon sa La Paz PNP si Alonzo kag magapangatubang sa paglapas sa kaso sang Republic Act 9165 ukon ang Comprehensive Dangerous Drugs Act of 2002.

- Advertisement -

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
896SubscribersSubscribe
- Advertisement -

Latest Articles