Monday, August 8, 2022

Amay nga naga-suprer sang mild stroke kag wala sang trabaho indi malaragway ang iya kalipay sang nakabaton sang bulig halin sa Radyo Bandera Iloilo, serbisyong bandera, wow may puso

- Advertisement -

ILOILO CITY—Indi malaragway ni Ronaldo Nogales, 47-anyos ang iya nga kalipay sang nakabaton ini sang bulig halin sa Radyo Bandera Iloilo, Serbisyong Bandera, Wow may puso!

Si Tatay Ronaldo ang residente sang Sitio Punong, Brgy. Sta. Cruz, Arevalo kag naga-suprer sa sakit nga mild stroke.

Ini ang nangin rasun kun ngaa nag-untat siya sa iya trabaho bilang manug-ihaw sa Iloilo Central Market.

- Advertisement -

Sa subong ang iya nga asawa nga si Virginia na lang ang naga-trabaho bilang kabulig sa balay agud nga may ipakaon sa ila apat ka kabataan.

Suno kay Tatay Ronaldo, handum niya kun tani nga mahatagan sang maayo nga panimalay kag kabuhi ang iya nga pamilya.

Malipayon nga ginbaton ni Tatay ang isa ka sako nga bugas, groceries kaangay sang tinapay, delatas, hygiene kits kag food supplements

- Advertisement -

Nagapasalamat ini sa Radyo Bandera Iloilo kag kay Dr. Ramel Uy sa bulig nga ginhatag sa ila nga bisan papaano makabulig sa ila nga kapigaduhon.

Nahibaluan nga ang ginapanghatag nga food packs kag bugas ang gikan sa nakolekta nga fund sa ginpatigayon nga Sikad Mo: Kabuhi Ko (Fun Ride and Bike Race) sang tinalikdan nga Hulyo 3 kadungan sang 1st year Anniversary sang Radyo Bandera Iloilo kag sang RYU-Foundation ni Dr. Ramel Uy.

Padayon nga magahatag ang Radyo Bandera Iloilo sa mga pamilya nga pigado kag nagakinahanglan sang bulig gani kabandera bantayan kay basi ikaw na ang masunod nga mahatagan.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
896SubscribersSubscribe
- Advertisement -

Latest Articles