Sunday, December 4, 2022

Anay preso, liwat nga nadakpan sa drug buy-bust operation sa distrito sang La Paz

- Advertisement -

Dakop ang 44-anyos nga lalaki sa ginpatigayon nga drug buybust operations ang Iloilo City Police Station 2, las-2:00 sini nga hapon.

Ginkilala ang subject person nga si Anthony Diones, residente sang Zone 2, Brgy. Rizal, La Paz, kag nagapang-imprinta sang t-shirt.

Sa interview sang Radyo Bandera kay Police Maj. Jose Val Ladublan, hepe sang ICPS2, isa ka semana ang monitoring nila antes pa man nadakpan ang subject nga ginakabig bilang Street Level Individual.

- Advertisement -

Suno pa kay Ladublan nga may previous cases ang subject sadtong tuig 2002 kag 2012 kag nakagwa ini sa presohan bangud sa plea bargaining.

Natigayon nga maaresto si Diones matapos nga nabaklan sang isa ka heat sealed transparent plastic sachet sang shabu gamit ang buy bust money nga ₱5,100.

Narekober man ang apat ka plastic sachets nga shabu nga may kabug-aton nga 3 grams kag may Standard Drug Price nga ₱20,000.

- Advertisement -

Yara na sa paghinakop sang La Paz Police Station ang suspek kag magapangatubang sang kaso sa paglapas sa Republiuc Act 9165 ukon ang Comprehensive Dangerous Drugs Act of 2002.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles