Iloilo City— Nagpabutyag sang iya kaakig si Punong Barangay Ricardo Tugado sa mga iresponsable nga mga tag-iya sang baka nga nagalayaw sa barangay.
Sa interview sang Radyo Bandera iIoilo kay Punong Barangay Tugado, ginpahayag sini nga matapos nga naka-gwa ang mga baka nga ila nga ginbutang sa turil mas ginpapag-on pa gid nila kag ginsikop sang maayo ang layaw nga mga baka.
Nakakurong naman liwat ang barangay sang 14 ka mga baka kag lima diri ang gingawad na sang tag-iya sa balor nga isa ka libo ka pesos.
Kun indi makagawad ang tag-iya sang iya nga baka suno sa punong barangay, sila ang magabayad sang 150 kada adlaw.
Sa tuman ka kaakig ni kap nagbuya ini sang tinaga nga tiruhon niya ang mga baka kag kun indi matiro mismo ang tag-iya ang tiruhon sini.
Handa naman ang Punong barangay sa mga kaso pananglitan nga maglab-ot sa kinagamo ang sitwasyon.
Ginpasiguro sini nga ang iya nga gina-obra ang para sa kaayuhan sang bug-os nga barangay.
