Patay ang apat ka miembro sang makawala nga gropo matapos nagluntad ang engkwentro sa tunga nila sang tropa sang gobyerno sa Sitio Amilis, Barangay Santol, Binalbagan, Negros Occidental.
Base sa statement nga gin-pagwa sang Philippine Army, matapos nga ginbulgar sang mga nagsungka gilayon nga nag-patigayon ang 94th Infantry Battalion, Negros Occidental Police Provincial Office, kag Binalbagan Municipal Police Station sang Joint Enhanced Military Police Operations (JEMPO) batok sa 14 ka mga CPP-NPA Terrorists (CNTs) nga yara sa lugar.
Bangud sini, nag-engkwentrohanay ang magtimbang nga gropo sa diin nagdugay sa tatlo ka minutos ang pagbalohanay sang lupok nga gintunaan naman sang kamatayon sang apat ka miembro sang NPA.
Narekord sang tropa sang gobyerno ang apat ka lawas sang miembro sang makawala nga gropo sa encounter site, subongman ang pila ka mga personal belongings kag war materials.
Samtang, gin-commend naman ni 3rd Infantry Division Commander, Major General Benedict Arevalo ang katapo sang 94th Infantry Battalion kag PNP counterparts sa pag-neutralize sang mga NPA.
Ginpasalamatan man ni Arevalo ang mga pumuluyo nga nagahatag sa ila sang impormasyon tuhoy sa makawala nga gropo.
