Apat ka pasahero sang Ceres bus pilason matapos ginbuno sang lalaki banwa sang Ajuy

ILOILO CITY— Pilason ang apat ka pasahero sang Ceres bus matapos ginpangbuno sa banwa sang Ajuy.

Ang suspek amo si Rodel Ilagan, residente sang Brgy. Cubay, Jaro.

Sa interview sang Radyo Bandera Iloilo kay Police Lieutenant Danilo L. Noca, alas 9:20 kaina sang aga sang natabo ang pagbinun-anay sa sulod sang Ceres bus.

Suno kay Noca, halin sa banwa sang Estancia ang ceres kag padulong kun tani sa syudad sang Iloilo.

Padayon pa nga ginahibalo sang Ajuy Municipal Police Station kun ano ang rasun sa pagbuno sa ni Ilagan.

Sa karun preso na ini sa nasambit nga police station samtang padayon naman nga ginabulong ang mga biktima sa Sara District Hospital.