ILOILO CITY — Ginahulat nalang nga mapirmahan ni President Ferdinand Marcos Jr. ukon ni Executive Secretary Lucas Bersamin ang appointment ni Joan Germinanda agud opisyal nga makapungko bilang board member sang 1st District sa probinsya sang Iloilo.
Nahibaluan nga si Germinanda ang magabulos sa pwesto ni Atty. Carmelo Nochete nga ginbutang naman bilang regional director sang Department of Social Welfare and Development (DSWD) 6.
Sa exclusive interview sang Radyo Bandera Iloilo kay Department of Agrarian Reform (DAR) Undersecretary Jesry Palmares, ginkumpirmar sini nga napirmahan na niya ang Certificate of Nomination ni Germinanda bilang provincial chairman sang LAKAS-CMD.
Pirmado naman ini sang nagligad nga semana ni LAKAS-CMD President Ferdinand Martin Romuladez.
