Army kag utod nga namuno kag naniro sa Aglalana, Passi City napasakaan na sang kaso

ILOILO CITY — Napasakaan na sang kaso sang Passi City Police Station si Army Staff Sergeant Razel Palomar kag manghod nga si Ronald Palomar.

Sa interview sang Radyo Bandera Iloilo kay Police Lieutenant Colonel Dennis Pamonag, hepe sang Passi CPS, mga las-4:30 kahapon sang hapon, Nobyembre 28 sang ila na-file ang 2 counts sang frustrated murder batok kay Razel samtang murder kag frustrated murder naman kay Ronald.

Ang mag-utod nga Palomar ang ginpriso matapos nabun-an patay si Greg Palomaria Sr., kag napilasan sanday Greg Palomaria Jr., Mark Palomaria kag Rolly Cadalso kasunod sang inaway sang Nobyembre 26 kadungan sang kapistahan sa barangay.

Detain sa gihapon sa Passi City Police Station ang mag-utod nga mga suspetsado.