Monday, August 8, 2022

Asawa sang biktima nga nabungguan patay sa Dawis, Pototan, nagahulat pa ini kuntani nga magbalik ang iya bana agod magpanyapon

- Advertisement -

Tuman ang sakit nga ginabatyagan sang asawa sang lalaki nga nabungguan patay sang salakyan nga Montero sa Brgy. Dawis, Pototan subong nga gab-i.

Ang biktima ang ginkilala nga si Roberto Sulleza, 64-anyos sang nasambitan nga lugar.

Samtang ang driver naman sang salakyan ang ginkilala sa kay Ruden Panela Singh sang Poblacion, Passi City.

- Advertisement -

Sa interview sang Radyo Bandera Iloilo sa kay Cecilia Sulleza , asawa sang biktima, madul-ong kuntani sang sud an ang iya nga bana sa utod sini.

Suno sa asawa nga gintawag siya sang mga lalaki sagwa sang ila nga balay nga nasalakay ang iya nga bana.

“kita ko bana ko gabarikutot sa tunga karsada, grabe tyabaw ko. Kita mo wala na bana mo, madul-ong lang man to kuntani sud-an sa utod ko. ” -Cecelia Sulleza, asawa sang biktima.

- Advertisement -

Tuman ang hilibion sini sang nakita nga wala na sang kabuhi kag yara na sa tunga sang karsada ang iya bana nga nabungguan sang Montero.

Dugang pa sang asawa nga wala gid sini ginalauman ang matabo bangod ginahulat pa sini ang iya nga bana nga maniyapon.

Bwas nga adlaw maga-istorya ang pamilya sa driver agud maistoryahan ang natabo

- Advertisement -

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
896SubscribersSubscribe
- Advertisement -

Latest Articles