Monday, September 26, 2022

Balor ₱60, 000  nga iligal nga druga, narekober sa anay OFW sa drug buy-bust operation sang SDET-6, Arevalo PNP

- Advertisement -

ILOILO CITY—Arestado ang anay ofw nga si alyas “cute” kag duha pa ka iban sa ginpatigayon nga drug buy-bust operation sang Station Drug Enforcement Team – 6 (SDET-6), Arevalo PNP, SA Zone 1, Brgy. Sto Niño Norte, Arevalo, las 8:15 sang gab-i, AGOSTO 11, Huwebes.

Ang suspek ang ginkilala kanday Christine Marie “cute” Mucho, 32-anyos, anay domestic helper sa Riyadh Saudia Arabia, balo may duha ka kabataan nga babaye 14 kag 4 anyos, residente sang Brgy. Concepcion, City Proper, nagarenta sang balay sa nasambit nga distrito.

Samtang ang duha naman ka LGBT amo sanday Jean Robles, 28-anyos, residente sang Deca Homes, Pavia Iloilo kag Merelle Rubino 27 anyos, pumuluyo sang Brgy. Boulevard, Molo.

- Advertisement -

Sa interview sang Radyo Bandera Iloilo kay Police Major Chen Tañagras, hepe sang Arevalo PNP, ginpahayag sini, duha tubtob tatlo ka semana ang monitoring sa main subject nga ginakabig nga Street Level Individual (SLI) antes ikasa ang madinalag-on nga operasyon.

Natigayon nga mabaklan si”cute” sang isa ka sachet sang suspected shabu gamit ang P2,000 bilang drug bust money.

Nakuhaan pa gid dugang sa paghinakop sini sang duha ka sachet sang druga nga nasulod sa karton sang thumb tucks kag duha pa gid ka mga sachet nga drug item nga nakuha sa kwarto sa ibabaw sang cabinet nga sa una nga pagpati tawas, apang sang ginpaagi na sa crime laboratory test, resulta, puro ini nga shabu.

- Advertisement -

Ang 5 tanan ka mga sachet lakip na ang drugbust item nagabug-at sang 9.4 grams kag may estimated market value nga P63,920.00.

Narekober man ang pipila ka mga drug paraphernalia, kaangay sang aluminum foil, lighter kag iban pa nga pagkabutang sa diin nasulod kag nakit-an ang mga ini.

Ginapanginwala ni alyas “cute” nga siya nagabaligya sang druga apang aminado nga nagagamit lang ini kag gikan sa Baldoza, La Paz ang iya ginagamit nga druga.

- Advertisement -

Yara na karon sa paghinakop sang Arevalo PNP, ang mga arestado kag magapangatubang sa kaso sa paglapas sa Republiuc Act 9165 ukon ang Comprehensive Dangerous Drugs Act of 2002.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,010SubscribersSubscribe

Latest Articles