Balor P15,000 nga mga bayo ginkawat sa isa ka ukay-ukay sa plaza sang Zarraga

ILOILO CITY — Gintaban ang pila ka mga bayo sa isa ka ukay-ukay nga ginabanta nagabalor sang P15,000 sa Brgy. Ilawod, Poblacion, Zarraga kahapon, Nobyembre 29.

Ini ang pahayag ni PLt. Raffy Señerez, hepe sang Zarraga Police Station sa pagpakig-angut sang Radyo Bandera Iloilo.

Dugang pa niya, sarado ang baligyaan sang ti-on nga ginkawatan  kag natulugan ang bata sang tag-iya kag wala siya nakabatyag  nga ginpangkuha ang mga naka-hanger nga bayo sa ila balaligyaan.

Suno pa kay Señerez, nagapakig-angut sila sa mga malapit nga establisyemento nga may yara sang CCTV nga mahimo nalabyan sang kawatan.