Balor sang family food packs nga napanagtag sang DSWD VI, masobra na sa P22.4-million

ILOILO CITY — Nagdangat na sa P22.4 million ang balor sang family food packs nga napanagtag sang Department of Social Welfare and Development Region VI sa mga naapektuhan sang Bagyo Agaton.

Sa interview sang Radyo Bandera Iloilo kay Atty. May Castillo, spokesperson sang DSWD VI Field Office, ginpahayag sini nga padayon ang request sang mga affected Local Government Units sa ahensya agud magpangayo sang dugang nga bulig sa mga affected families kag individuals.

Dugang pa sini, naka-release naman ang talatapan sang 200 ka modulator tents nga nagabalor sang P878,000 kag mga Non-Food items kasubong sang personal kag hygiene kits kadungan sa pagpanagtag sang family food packs.