ILOILO CITY — Nagdangat na sa P189,600,669 million ang balor sang kahalitan sa agrikultura sa Western Visayas dala sang bagyo Agaton suno sa Department of Agriculture Region VI.
Base sa data sang ahensya padayon nga nagasaka ang numero kag balor sang kahalitan bangud sa paglaslas sang bagyo.
Ang probinsya sang Iloilo ang nakarekord sang P93,108,103 nga halit; Capiz nga may P89,033,361; Antique nga may P7,275,438 kag Guimaras P183,105.
Sa karun, ginaplastar na sang talatapan ang mga pagsulundan agud mapadasig ang proseso para makakuha sang financial assistance ang mga ini.
Nahibaluan nga nagpakig-angot na ang regional office sa DA-central office nahanungod sa mga tikang para sa mga mangunguma nga nagakinahanglan sang bulig agud makatibawas sa halit dala sang kalamidad.
