Balor sang nahatag nga bulig sa mga naapektuhan sang bagyo Agaton, nagdangat na sa masobra 29 milyon suno sa DSWD-VI

ILOILO CITY— Nagdangat na sa P29.6- Million ang balor nga nabulig sang Department of Social Welfare and Development (DSWD)-VI sa mga naapektuhan sang bagyo Agaton.

Sa interview sang Radyo Bandera Iloilo Kay Atty. May Castillo spokesperson sang DSWD VI, ginpahayag sini nakabaton na ang 390 ka mga pamilya sang tig P5,000 nga bulig pinansyal sa Pontevedra, Capiz.

Suno pa sa iya, 45,532 ka family food packs ang na-release na sang ahensya sa 1,343,775 ka mga affected individuals sa bug-os nga rehiyon.

Samtang, kadungan man sang tagtaganay sang FFPs, nahatag naman ang modular tents, hygiene kits kag botteled water nga tig 10 liters.

Dugang pa sini, padayon pa nga nagasaka ang balor sang ayuda sa mga napektuhan sang bagyo agaton sa Western Visayas.