Monday, February 6, 2023

Banwa sang Banate kag Barotac Viejo may panibag-o nga kaso sang African Swine Fever

- Advertisement -

ILOILO CITY — Nakarekord sang panibag-o nga kaso sang African Swine Fever ang banwa sang Banate kag Barotac Viejo.

Sang damlag lang nagpositibo ang mga blood samples sang baboy nga ginpangkuha sa Barangay Merced kag Libertad sa banwa sang Banate kag La Fortuna sa Barotac Viejo.

Suno kay Iloilo Provincial Veterinarian Dr. Darel Tabuada, apat tanan ka mga baboy ang nagpositibo sa Barangay Merced kag Libertad, Banate samtang lima naman sa Barangay La Fortuna, Barotac Viejo.

- Advertisement -

Sa subong naka high alert ang mga kabarangayan nga apektado paagi sa pagbutang sang 500-meter radius halin sa ground zero.

Ginatugyan naman sini ang pagpahamtang sang border control sa tagsa ka mga Local Government Unit kun epektibo sa pagtapna sang kaso sang ASF sa ila lugar.

Samtang, mas ginpa-istrikto pa gid sang probinsya ang pagpatuman sang TAHUM Program ukon Tapak, Hugas kag Limpyo sa pagpakaon sa mga baboy kag pagsanitize sang tagsa ka mga backyards ukon tangkal.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,350SubscribersSubscribe

Latest Articles