Narekord nga 86 porsyento na nga drug cleared ang banwa sang Barotac Nuevo, suno kay PMaj. Reagan Oriña, hepe sang Barotac Municipal Police Station.
Sa interview sang Radyo Bandera Iloilo sa hepe, tatlo ka drug buybust operation ang madinalag-on nga nakasa sang Barotac MPS sa sini nga tuig.
Dugang pa sang opisyal nga may apat nalang ka barangay sila nga gina-monitor sa karon may kaangtanan sa ila kampanya kontra illegal nga droga.
Matandaan nga ginpasidunggan ang Barotac MPS kahapon nga adlaw, Marso 13, bilang Highest Accomplishment on Anti-illegal Drugs Operation kag Top 2 Best Municipal Police Station sa Probinsya sa ginhiwat nga Traditional Monday Flag Raising and Awarding Ceremony sang Iloilo Provincial Police Office
Ginpahayag man ni PMaj. Oriña nga padayon ang ila hugot nga kampanya kontra illegal nga droga kag nagpanawagan sa iya mga constituents nga indi na mag mitir nga maggamit ukon mag engage pa sa nasambit nga illegal nga aktibidadis.
