ILOILO CITY — Ang banwa sang Carles ang una nga lugar sa Iloilo nga maga-rollout sang facilitated sim registration suno sa National Telecommunications Commission (NTC) 6.
Sa interview sang Radyo Bandera Iloilo kay Engr. Leah Doromal, Regional Director sang NTC 6, na-identify ang amu nga banwa bangud nga manubo ang total number of barangays nila.
Gin-athag man sini nga sarang man makaparehistro diri ang mga subscribers halin sa mga kaiping nga kabanwahanan kag mga malapit nga lugar.
Nahibaluan nga maga-set up ang mga telco sa mga covered gym kaupod ang Local Government Unit, NTC, Department of Information and Communications Technology kag Philippine National Police.
Liwat naman nga nagpahanumdom si Doromal nga ang sim registration ang tubtob lamang sa Abril 26, 2023, apang depende pa kun palawigon ini sang dugang nga 120 days.