Nag-isyu sang Executive Order No. 001-A Series of 2023 si Iloilo Governor Arthur “Toto” Defensor Jr. angot sa pag-paidalum sa banwa sang Janiuay sa Red Infected Zone bangud sa African Swine Fever.
Base sa EO, gina-implementar ang “adjusted quarantine procedures and disease prevention and control measures” batok sa ASF.
Nahibaluan nga may 11 na ka lugar sa probinsya ang napa-idalum sa Red Zones.
Ang mga lugar ang ginalakipan sang Oton, San Miguel, Leganes, New Lucena, Alimodian, Sta. Barbara, Mina, Barotac Nuevo, Dumangas, Banate kag Janiuay.
Gina-dumulian ang pag-pagwa sulod sa mga nasambit nga banwa sang mga buhi nga baboy, karne sang baboy, fresh ukon frozen pork products, kag uncooked processes pork products, magluwas lang sa canned processes pork products, kag swine genetic materials.
