ILOILO CITY — Ginpaidalum na sa Red (Infected) Zone ang mga banwa sang Santa Barbara kag Alimodian bangud sa African Swine Fever (ASF).
Nahibaluan nga nagpositibo ang mga blood samples sang mga baboy gikan sa Barangay San Sebastian sa Sta. Barbara kag Barangay Coline sa banwa sang Alimodian.
Sandig ini sa Section 2 sang Executive Order 460-D ukon Amending Executive Order Number 460 series of 2022, implementing adjusted quarantine procedures and disease prevention and control measures against African Swine Fever (ASF) in the province of Iloilo, nga nagadeklarar sa duha ka banwa nga ibutang sa Red Zone.
Bangud sini, ginadumilian ang pagpaguwa sang buhi nga baboy, pork, pork products kasubong sang fresh ukon frozen pork products kag uncooked processed pork sa amu nga mga lugar.
Sa subong hugot naman ang monitoring sang Iloilo Provincial Veterinary Office sa iban nga kabanwahanan sa probinsiya agud mapunggan ang paglapta sang ASF.
