Banwa sang Zarraga kag Badiangan apektado na sang ASF

ILOILO CITY — Apektado na sang African Swine Fever (ASF) ang banwa sang Zarraga kag Badiangan apisar nga wala ini ma-classify nga Red Infected zones.

Nahibaluan nga may tig- isa ka baboy nga napatay kag nagpositibo sa ASF.

Isa ka kaso ang narekord sa Barangay Talibong sa banwa sang Zarraga kag isa man sa Barangay San Julian sa banwa sang Badiangan.

Ini nga datus ang base sa record sang Iloilo Provincial Veterinary Office (PVO).

Sa subong 18 na ka mga animal quarantine checkpoints ang ginpahamatang sa probinsya, base man sa Executive Order 011 nga ginpagwa ni Governor Arthur Defensor Jr. nga nangin epektibo umpisa   Enero 14.