Monday, December 5, 2022

Bata nga nalumos sa suba sa distrito sang Jaro, naga-aba sa likod sang iya abyan nga ginsipa sang isa pa nila ka upod rason sa nagluntad nga insidente; Mga kabataan nagadugsing lang samtang nagapaligo sa suba

- Advertisement -

ILOILO CITY – Nagabayaw ang kamot kag buhok na lang sang ulo ang nakit-an sang iban nga kabataan samtang gin-anod sang tubig sa suba ang siyam ka tuig nga bata nga lalaki sa Salog River sa Barangay Cubay sa distrito sang Jaro kaina las-2:00 sang hapon.

Sa interview sang Radyo Bandera Iloilo kay alyas Toto, isa sa mga naka-upod sang biktima nga si John Eric Labrado sa pagpaligo sa suba, naga-aba si Eric kay alyas Charles samtang yara sa suba apang bangud nga nagadugsing ang mga ini, ginsipa ni alyas Macoy si Charles kag nakabuya si Eric kag nagtupa sa tunga-tunga sang suba.

Bangud sini, gin-anod sang tubig-suba ang biktima kag wala na nakit-an tubtob subong.

- Advertisement -

Samtang, nakahingagaw naman sa pagsaka sa hagdanan si Charles kag gilayon man nga nagdalagan si alyas Toto sa Amay ni Eric agud ipa-hibalo nga gin-anod ang biktima.

Ginsalom naman sang iban nga pumuluyo ang suba kag sang mga rescuers, apang indi pa makit-an ang biktima.

Suno naman sa katapos sang BFP kag Philippine Coast Guard nga padayon ang ila search and rescue apang tuman ka baskog sang current sang tubig sa suba.

- Advertisement -
Karen Badilla
Karen Badilla
Karen might be new in the news landscape of Iloilo but she's certainly a pro. Before joining forces with Radyo Bandero Iloilo news team, she served as one of the reporters/anchorwoman/news writers of a radio station in Bacolod City. With more than 3 years of broadcast experience under her sleeve, Karen is a total package ready to serve and deliver nothing but reliable information to the people of Iloilo.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles