ILOILO CITY— Hugot nga ginpanindugan sang Bayan Panay nga red tagging ang pahayag ni Presidente Duterte angut sa pila ka mga progresibo nga grupo nga nagasuporta sa kandidatura ni Presidential aspirant Leni Robredo.
Sa interview sang Radyo Bandera Iloilo kay Bryan Bosque, deputy spokesperson sang Bayan Panay, ginpahayag sini nga kinahanglan nga sabton sang mga natungdan ang mga isyu sa sosyudad sa diin madamo ang apektado ilabi na sa paglapas sa tawhanon nga kinamatarong, kagutom kag indi maayo nga pang gobyerno.
Dugang pa sini, wala sang dapat kulbaan ang administraston bangud nagpahayag man lang ini sang matuod nga nagakatabo sa komunidad ilabi na ang pagpang-abuso sa poder sang iban nga opisyales.
Suno pa kay Bosque, mas maayo kun hatagan sang igtalupangod kag atensyon ang kinahanglan sang mga pigado agud nga mabuligan ini.
Madumduman nga sang tinalikdan nga adlaw ginpamakalaut ni Presidente Duterte ang pila ka militante kag progresibo nga grupo nga nagasuporta sa kandidatura ni Vice President Leni Robredo.
