ILOILO CITY— Hugot nga nagapamalabag ang Bayan Panay Iloilo Chapter nga pasakaan ang pagkolekta sang buwis agud nga mabayaran ang utang sang pungsod.
Sa interview sang Radyo Bandera Iloilo kay Bayan Panay Iloilo Chapter deputy spokesperson Bryan Bosque, ginpahayag sini nga indi maayo kun ipasa sa ordinaryo nga mga pumuluyo ang pagbayad sang utang sang pungsod bangud nagapakita lang ini sang social injustice.
Suno kay Bosque, mas maayo kun ginatun-an anay ini antes maghatag sang ano man nga pahayag si President-elect Ferdinand Marcos Jr. agud malikawan ang pagkabalaka sang mga tawo.
Dugang pa niya, dapat balansehon sang mga opisyales sang gobyerno ang epekto sini sa low class society.
Madumduman nga nangin mainit ang isyu bangud sa pahayag ni President elect Bongbong Marcos nga pataasan ang pagkolekta sang buwis agud mabayaran ang mga utang sang Pilipinas nga nagdangat sa pila ka Trillion.
