ILOILO CITY — Pagbayolar sang Ordinance 2007-016 ukon Iloilo City Tax Ordinance Local Revenue Code of Iloilo City ang nangin rasun sa pagpasirado sang The Cave Superclub sa distrito sang Mandurriao.
Ini ang ginkumpirma ni Iloilo City Mayor Jerry Treñas sa interview sang Radyo Bandera Iloilo.
Sunu sa alkalde matapos sini nga ginpatawag ang nasambit nga establisyemento gilayon man ini nga ginasirado bangud sang pila ka mga reklamo.
Dugang pa ni Treñas nagahulat ini sang plano sang management sang The Cave matapos nga gin-issue ang closure order.
Madumduman nga sang Lunes nagpahayag si Mandurriao Police Station Chief Police Major Kenneth Jay Gratones nga gina-ayo niya ang alkalde nga ipasirado ang establisyemento bangud sang masami nagakatabo nga kinagamo.
