ILOILO CITY—Ginpanginwala sang anay 4th district Congressman kag Provincial chairman sang Nacionalista Party nga indi madayon ang grand rally sang BBM-Sara karun sa gab-i sa Tamasak Arena, Barotac, Nuevo, Iloilo kasunod sang pila ka mga balita nga naggwa subong nga aga nga nakanselar ang grand rally nga hiwaton sa Tamasak arena.
Sa interview ni Kabanderang John Sapio kay Biron sa programa 11 MBPS, ginpahayag sini nga alas 2:00-3:00 sang hapon magatipon na ang tanan nga supporters sa Arena kag pagkatapos sini masugod na ang programa.
Samtang ginpakigbahin ni Biron nga nakabataon lang siya sang balita kaina sang aga nga indi madayon ang grand rally sa banwa sang Guimbal apang wala siya nakahibako kun ano ang rasun.
Pagatambungan sang pila ka mga kongresista nagikan sa nagkalain-lain nga distrito kag mga alkalde sa probinsya sang Iloilo ang nasambit nga rally.
Ginalauman man nga yara sa 15 mil tubtob 20 mil ka mga supporters ang magatambong karun agud ipakita ang ila suporta sa Uniteam.
Nahibaluan nga magaserbe nga host sang programa si Toni Gonzaga.
