BFAR-VI, target nga makapanagtag sang ayuda sa masobra 7,000 ka mga mangingisda sa Western Visayas

ILOILO CITY— Target sang Bureau of Fisheries and Aquatic Resources (BFAR)-VI nga mahatagan sang fuel subsidy ang 7,116 ka mga mangingisda bilang temporaryo nga solusyon sa tuman ka mahal sang gatong.

Sa interview sang Radyo Bandera Iloilo kay Remia Aparri, Regional Director sang BFAR-VI, ginpahayag sini nga sa palaabuton nga Abril 18, magasumiter na ang ahensya sang validated master list sang mga benepisyaryo sang nasambit nga programa sa central office agud maproseso na ang ayuda.

Dugang pa sini, tig-₱3,000 ang mabaton sang mga mangingisda bilang ayuda halin sa gobyerno.

Suno kay Aparri, mahimo nila nga makuha ang ayuda pinaagi sa fuel discount card sa accredited nga bangko kaangay sang Development kag Land Bank of the Philippines.