Naga-cater sang mga mentally challenged individuals ang Bo. Obrero District Health Center gikan sa pito tanan ka mga distrito sa syudad sang Iloilo.
Ini ang ginpahayag ni Dra. Rebecca Gregorios ang Medical Officer IV sang Iloilo City Health Office (CHO) kag head sang Bo. Obrero Health Center sa interview sang Radyo Bandera Iloilo.
Suno sa doktor nagahatag sang bulong kag pagtatap ang health center para sa mga diagnosed metally challenged individuals agud nga mangin maayo ang ila nga kahimtangan.
Dugang pa ni Gregorios may yara man sang training manual gikan sa World Health Organization (WHO) nga amu ang ila ginasundan agud nga mas mangin capable ang mga doktor sang syudad nga mag-handle ukon magtatap sa mga pasyente.
Angut diri nagapangayo sang bulig si Gregorios nga ipahibalo sa City Health Office ukon sa health center sang Bo. Obrero kung may mga miyembro sang pamilya ukon kakilala nga nagakinahanglan sang mental intervention ukon bulig.
