ILOILO CITY-Pabor si Liga Iloilo Province President kag Ex-Officio Board Member Dorothy Paes sa pagpostpone sang 2022 Barangay and Sangguniang Kabataan elections.
Suno kay Paes nga kadam-an sang mga barangay officials sa 1,721 ka barangay sa probinsya sang Iloilo ang pabor nga ma-postpone ang 2022 Barangay and Sangguniang Kabataan elections.
Ini ang pahayag ni Liga Iloilo Province President kag Ex-Officio Board Member Dorothy Paes sa pagpirma ni President Ferdinand Marcos, Jr. sang laye nga nagapaiway sang eleksyon.
Nahibaluan nga sa baylo nga sa Disyembre 2022, ginpaiway ang eleksyon sa katapusan nga Lunes sang Oktubre 2023.
Dugang pa ni Paes nga sa pagpalawig sang ila termino luyag sini tutukan ang mga programa sa pagsolbar sang mga problema natuhoy sa COVID-19 virus.
