ILOILO CITY- Hatagan anay sang higayon ni Board Member Rolly Distura, Committee Chairman sang infrastructure sang probinsya sang Iloilo ang A.D Pendon Construction supply Incorporated agud matuman ang promisa sini sa mga taga Dingle.
Ini ang pahayag ni Board member Distura sa interview sang Radyo Bandera Iloilo.
Suno kay Distura nga matapos nabaton niya ang resolution sang Sanggunian bayan sang Dingle, iya gilayon gintawgan ang District Engineer sang DPWH 2nd Engineering district kag ang contractor kag gin-istorya.
Iya ginsiling nga daw okey pa man ang ekplenasyun sang DPWH kag A. D Pendon gani hulat hulaton lang ang ila promisa.
Magluwas sa pagtawag sa A.D Pendon kag DPWH, iya man ginkadtuan kag ginpangabay ang National Irrigation Administration nga i-reconsider ang resolution sang 11 ka kapitanes nga paagyon anay ang ila mga residente.
Iya ginsiling nga nagpasugot naman nga paagyon ang mga residente las 5:00 sang aga asta las 8:00 kag sa sa hapon las 4:00 asta las 6:00 sang gab-i.
