Border control sa banwa sang San Miguel hugot nga ipatuman agud ma-contain ang African Swine Fever

ILOILO CITY- Pagapabaskugon ang mga border control sa banwa sang San Miguel ilabi na ang mga kaiping ukon boundary sang Oton.

Sa interview sang Radyo Bandera Iloilo kay Vice-Mayor Bonifacio Salapantan Jr., pulo na ka kabarangayan ang naplastran na sang ASF border control checkpoints subong nga adlaw.

Dugang pa niya, magahatag sila sang nagakaigo nga assistance sa mga manugsagod sang baboy direkta man nga apektado ukon indi.

Sa karon, maid-id sila nga nagaplano sang mga interventions nga igapatuman, lakip na ang pagpondo para sa assistance.