Wala na nagareport sa trabaho ang boucher ng nagkastigo-patay sa biktima nga si Gary Marcial matapos natabo ang kinagamo sang tinalikdan nga Disyembre 31, 2022.
Ini ang ginpahayag ni police captain Benjie Dicen, station commander sang Mandurriao Police station sa interview sang Radyo Bandera Iloilo.
Suno kay Decin, apisar wala na naga duty ang nasambit nga bouncer, padayon man sa gihapon ini nga ginamitor bangud ari lang man ini sa syudad.
Dugang ni Decin, magatestigo si Ruel Tolentino, kaupod niya man nga bouncer sa nasambit nga bar nga imbolbado sa rambol kag luyag sini nga magkoordinar sa kapulisan agud nga maghatag sang iya bahin sa natabo, amo man sa iya pamilya.
Sa karun ginahanda na sang abogado sang pamilya Marcial ang kaso nga murder batok sa bouncer kag iban pa nga na-imbolbar sa pagpatay sa biktima.
Nahibaluan nga napatay ang biktima paagi sa pagbakol sang tubo sang suspek.
Natabo ang insidente sang Disyembre 31, 2022 mga las 4:30 sang aga sa guwa sang Amnesia Bar.
