ILOILO CITY — Ginpasidunggan bilang first runner-up sa ginpatigayon nga 2022 Iloilo City Lupong Tagapamayapa Incentives Awards (LTIA) ang Barangay Sto. Domingo sa distristo sang Arevalo.
Ini ang gin-anunsyo sang Department of the Interior and Local Government (DILG).
Ang (LTIA) ang isa ka programa sa idalum sang DILG nga nagahatag sang motibasyon sa tanan nga mga Lupon agud nga pasanyugon ang pag-perform sang ila tagsa ka duty kag responsibilidad.
Ini ang gin-establisyar pinaagi sa Section 406 (b) of the Local Government Code of 1991 nga nagamandu sa paghatag sang incentive sa mga Lupong Tagapamayapa para sa ila outstanding contributions agud nga makuha ang “Katarungang Pambarangay”.
Ginkalipay naman sang nasambit nga barangay ang ginhatag nga pasidungog sang ahensya.
