ILOILO CITY — Nagpaguwa sang Executive Order No. 22-63 si Calinog Mayor Francisco “Ico” Calvo nga nagamando sang pagpatuman sang curfew halin las-7 sang gab-i tubtob las-4 sang aga para sa nagapang-edaron 18 panubo, epektibo Oktubre 15.
Ini matapos ang natabo nga kinagamo sa tunga sang pamatan-on sa ila public plaza, kag mga insidente man sang pagpangawat, aksidente, linagsanay kag komosyon nga may kaangtanan ang mga menor-de-edad.
Santu pa sa nasambit nga EO, mahimo lang makaguwa ang mga menor sa nasambit nga oras sang curfew kun may emerhensya, pagbiyahe padulong sa mga ports, lakip na ang mga aktibidad nga pahanugutan sang banwa kun sa diin kinahanglan nga upod ang ila tagsa ka ginikanan ukon guardian.
Naga-apelar naman si Mayor Calvo sa mga ginikanan nga buylugan ang nasambit nga pagsulundan agud mahatagtan seguridad ang mga kabataan.
