Tuesday, February 7, 2023

Calinog MPS, natumod na ang histsura sang suspek nga nagpatay sa isa ka lalaki sa adlaw sang paskwa

- Advertisement -

May hawid na ang Calinog Municipal Police Station sang laragway sang suspek nga nagtiro-patay kay Placido Bernabe, 40-anyos, kasado, negosyante sang ukay-ukay kag kawayan kag residente sang Brgy. Bario Calinog, Iloilo.

Nadumduman nga natabo ang krimen sadtong Disyembre 25 sa Brgy. Poblacion Rizal Ilawod, Calinog.

Sa interview sang Radyo Bandera Iloilo kay PMaj. Dadjie Delima, hepe sang Calinog Municipal Police Station, nagpatigayon ang ila istasyon sang case conference kaupod ang intel operatives, investigator on case kag chief investigator sang kaso.

- Advertisement -

Suno kay Delima, base sa mga consolidated nila nga CCTV footages, ang gunman gikan sa area sang Tapaz, Capiz padulhog sa town proper sang Calinog kag nagliko ini sa Brgy. Poblacion Ilawod, Calinog.

Ginsaysay sang hepe nga samtang naga-travel ang biktima padulong sa iya asawa, naghapit ini panyaga sa iya abyan, ginsundan kag malapitan nga gintiro ini sa likod sang porsyon sang iya ulo rason sang pagkatumba sini kag iya kamatayon.

Dugang pa sini nga base sa pagback track sang series sang CCTV footages, may klaro na nga itsura ang suspek kag nagapatigayon man ang SOCO sang matching ballistics base sa bala nga gingamit sa pagpatay.

- Advertisement -

Samtang, nagpahayag ang hepe nga imposible man nga miyembro sang gun for hire ang suspek.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,350SubscribersSubscribe

Latest Articles