Wednesday, August 17, 2022

Carlos Paul “Poypoy” Lopez, handa nga atubangon ang mga kaso batok sa iya agud malimpyuhan ang iya pangalan

- Advertisement -

Handa nga atubangon ni Carlos Paul “alyas Poypoy” Lopez ang tanan nga mga kaso nga ginpasaka batok sa iya agud nga malimpyuhan ang iya pangalan kag maka-negosyo sang maayo.

Nahibaluan nga ginpasakaan si Lopez sang kaso nga attempted murder kag murder sa pagpatay kay Zaldy “alyas Nono” Villanueva sa Barangay Bagacay, San Dionisio, Iloilo bangud sa inaway sa duta sang tuig 2020.

Gin-ako man ni Lopez nga may yara na sila sang daan nga hiligut-anon ni Villanueva. Dugang pa sini nga may yara man siya sang ginpasaka nga kaso batok kay Villanueva nga trespassing kag grave coercion sa banwa sang San Dionisio.

- Advertisement -

Ginpahayag pa ni Lopez nga sang nagligad lang nga semana sang iya nahibaluan nga may yara siya sang warrant of arrest kag ginhitso niya ini antes siya nga magsungka.

Suno sa iya, ang problema ang dapat gina-atubang kag wala ginapalagyuhan. Si Lopez ang nagsungka ala-1:00 kaina sang hapon sa Criminal Investigation and Detection Group-Iloilo Provincial Field Unit.

Ginatugyan man ni Lopez ang tanan nga palamangkutan kag ang kaso sa iya abogado nga si Atty. Dwight Trasadas.

- Advertisement -

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
916SubscribersSubscribe
- Advertisement -

Latest Articles