Wednesday, November 30, 2022

Carlos Paul “Poypoy” Lopez nga isa sa mga ginpasakaan kaso nga murder sa pagpatay kay Zaldy “Alyas Nono” Villanueva sa San Dionisio, iloilo sang 2020, nagsungka sa CIDG Iloilo Provincial Field Unit

- Advertisement -

Nagsungka sa Criminal Investigation and Detection Group-Iloilo Provincial Field Unit si Carlos Paul “Poypoy” Lopez nga isa sa mga ginpasakaan sang kaso nga murder kag attempted murder sa pagpatay kay Zaldy “Alyas Nono” Villlanueva sadtong tuig 2020 sa Barangay Bagacay, San Dionisio, Iloilo bangud sa away sa duta.

Sa interview sang Radyo Bandera Iloilo kay Police Major R Araquil Guardaya, head sang CIDG-Iloilo Provincial field unit, nagpakig-angot ang katapo sang CIDG sa pamilya ni Lopez agud nga negosyaran ang iya nga pagsungka.

Nagset-up sila sang meeting sa Dumangas, Iloilo ala-1:00 subong nga hapon para sa pagsungka sang natungdan.

- Advertisement -

Madumduman nga sang nagligad nga adlaw, nagsungka man si Raffy Sorioso sa CIDG, nga kaupod ni Lopez nga ginpasakaan sang kaso sa pagpatay kay Villanueva.

Si Sorioso, isa man sa ginrekomendar nga pasakaan sang kaso nga murder sa pagpatay kay Claire Diergos.

Nahibaluan nga isa man si Poypoy sa 10 ka mga ginhingadlan nga suspek sa pagpatay kay Claire Diergos sang Special Investigation Team sang IPPO apang wala ini ginrekomendar sang Iloilo Prosecutor’s Office nga pasakaan sang kaso nga murder.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,180SubscribersSubscribe

Latest Articles