Wednesday, August 17, 2022

CCTV footage sa diin makit-an ang pagkuha sang mask sang mga suspek nga nagpangawat sa Jetti gasoline station sa Jaro dako nga bulig agud gilayon nga nakilal-an ang mga suspetsado

- Advertisement -

ILOILO CITY— Nakuhaan sang CCTV footage ang pagkuha sang mask kag pag-ilis sang bayo sang mga suspek nga nagpangawat sa Jetti Gasoline Station sang tinalikdan nga Hunyo 7, 2022 gani dako ini nga bulig agud gilayon nga nakilal-an ang mga suspetsado.

Sa exclusive interview ni Kabanderang Rey Umalay kay Police Captain Eduardo Siacon Jr. station commander sang Jaro Police Station sa programa Foro de los Pueblos, ginpahayag sini nga may isa ka pumuluyo nga naghatag sang CCTV footage sa kapulisan sa diin makit-an ang pagkakas sang mask kag pag-ilis sang bayo sang mga suspek.

Suno kay Siacon, ginkumparar ang CCTV footage sang gasoline station sa Jaro kag ang footage sa Molo gani nakilal-an si Briant Villanueva Naya.

- Advertisement -

Gilayon nga ginpadulungan sang Jaro PNP si Briant kag natigayon ini nga nadakpan.

Nakuha sa iya ang motorsiklo nga gingamit, bayo nga ginsuksuk kag ang lima ka sachet sang suspected shabu.

Sa panaysayon sang suspek, ginhagad siya sang iya kaupdanan nga may yara sila sang prospect nga kawatan.

- Advertisement -

Ginhulam ni Briant ang motorsiklo sang tiyo sang iya nga karelasyon kag ini ang ila gingamit sa pagpangawat.

Nagpatigayon anay sila sang surveillance antes ginkawatan ang gasoline station.

Nataban nila ang P1.6 milyon apang yara lang sa P200-300,000 ang nakuha ni Briant bangud indi ini iya prospect.

- Advertisement -

Ginhingadlan niya ang duha niya kaupod nga amo sanday Christian Agonsula kag Mark Galvez nga natigayon nga nakapalagyo.

Naghingyo si Siacon sa duha nga magsungka na agud nga athagon ang ila nga pangalan kay bangud sila ang ginatudlo ni Briant nga upod niya sa pagpangawat.

Preso na karun sa Jaro Municipal Police Station si Briant.

Samtang natalana naman nga makipagsapol karun sa hapon ang tag-iya sang gasoline station kag si Police Captain Eduardo Siacon Jr. agud istoryahan ang pagpasaka sang kaso batok sa mga suspetsado.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
916SubscribersSubscribe
- Advertisement -

Latest Articles