ILOILO CITY— Dako ang nabulig sang CCTV footage sang Passi City agud nga madakpan ang mga suspek sa pagpanghold-up sa duha ka mga empleyado sang Lalac Hardware sa Brgy. Agdahon, Passi City sang tinalikdan nga Marso 29, 2022.
Sa interview ni Kabanderang John Sapio kay Passi City Vice Mayor Jesry Palmares sa programa 11 MBPS, ginpahayag sini nga nag-invest ang lokal nga panguluhan sa pag-procure sang CCTV agud ma-monitor ang sitwasyon kag nagakalatabo sa palibot sang syudad.
Suno pa kay Jesry Palmares, una nga ginbakal ang CCTV sang tuig 2012 kag naglab-ot sa kapin 10-milyon tanan ang budget.
Ginpakigbahin pa sini nga indi ordinaryo ang CCTV sang syudad amo na nga may kamahalan ang presyo sini.
Dugang pa ni Palmares, dako ang nabulig sang CCTV agud nga ma monitor ang mga gamay kag dalagko nga krimen sa syudad kag nagabulig man ini sa seguridad sang mga pumuluyo.
