Monday, September 26, 2022

Chairman sang committee on peace and order sa Tabuc Suba, Jaro pabor sa deployment sang mga pulis sa kada barangay

- Advertisement -

ILOILO CITY — Pabor si Barangay Tabuc Suba, Jaro kagawad Noel Gumapas, chairman sang committee on peace and order, nga butangan sang mga pulis ang mga barangay sa syudad sang Iloilo.

Sa exclusive interview sang Radyo Bandera Iloilo kay Gumapas, ginpahayag sini nga mas maayo nga may yara sang police visibility sa ila nga barangay agud mapahagan-hagan ang krimen, illegal drug activity, kag mas mapatuman ang curfew for minors.

Aminado naman ini nga amat-amat nga may nagabalik nga mga nagaduso sang iligal nga druga sa ila barangay, bisan pa nga wala untat man ang ila kampanya batok diri.

- Advertisement -

Isa pa sa mga problema sang ila lugar suno sa kagawad amo ang pag-impose sang curfew for minors bangud nga ginabantayan lang sang mga pamatan-on ang mga barangay tanod kag maggwa liwat sa ila balay kun gab-i.

Dugang pa sini, indi man nila mabantayan sang husto ang mga kabataan bangud sa kalaparon sang ila barangay.

Ginabanta nga kapin 12 mil ang populasyon sa amo nga barangay, gani nagahingyo gid si Gumapas sa mga ginikanan nga bantayan kag imonitor ang ila mga bata ilabi na kun gab-i.

- Advertisement -

Nahibaluan nga nag-request ang Barangay Bakhaw, Mandurriao kag Barangay Tanza Esperanza sa City Proper sang police assistance kasunod sang pila ka mga report nga may nagbalik nga durugista sa lugar kag may mga “unfamiliar individuals” nga nagagwa-sulod sa ila mga barangay.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,010SubscribersSubscribe

Latest Articles