Monday, August 15, 2022

CHR6 pabor sa child support enforcement act nga ginaduso sa Kongreso

- Advertisement -

ILOILO CITY — Pabor ang Commission on Human Rights (CHR) Region 6 sa ginaduso nga Child Support Enforcement Act ni Northern Samar district Representative Paul Ruiz Daza.

Nahibaluan nga ang amo nga hagna ang nagatuyo nga maghatag sang nagakaigo nga penalidad sa mga ginikanan nga indi maghatag sang suporta sa ila kabataan kun separado ang ila pamilya.

Dugang pa diri, sa tagsa ka bulan ginalauman nga magasuporta ang ginikanan sang balor P6, 000 ukon P200 kada adlaw sa kada bata.

- Advertisement -

Sa interview sang Radyo Bandera Iloilo kay Atty. Jonnie Dabuco, Senior Legal Officer sang CHR6, nagakaigo lang ini nga tikang agud ma-obligar ang mga ginikanan nga suportahan ang ila kabataan para sa ila kinahanglanon kag pagtuon.

Sa pihak nga bahin, ginpahayag ni Atty. Dabuco nga ang balor nga P6,000  nagadepende sa kapasidad sang ginikanan kun sa diin indi tanan makasarang makahatag sang nasambit nga kantidad.

Dugang pa sini, kalabanan sang mga reported cases nga involved ang mga amay sa indi pagsuporta sa ila kabataan sa tion nga magbulagay na sila sang iya nga asawa.

- Advertisement -

Nagapatigayon man sang legal counseling ang ila ahensya agud makabulig sa mga natungdan.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
914SubscribersSubscribe
- Advertisement -

Latest Articles