ILOILO CITY— Posible nga pasakaan sang kaso sang Commission on Elections (COMELEC) ang mga organizer nga nagalapas sa guidelines sang campaign rallies.
Sa interview sang Radyo Bandera Iloilo Kay Atty. Jay Baldisado, Regional Director sang Comelec VI, gin-athag sini nga may yara na sang naglapas sa pagsulundan sang ahensya kag ini amo ang wala nagsunod sa minimum public health standards sa diin ang kada indibidwal ang kinahanglan nga magsuksuk sang facemask kag mag social distancing.
Dugang pa sini, kinahanglan man sang kooperasyon sang kada supporters kag dapat may yara sila sang disiplina ilabi na nga padayon kita nga nagapakigbato sa Covid-19.
Samtang ginklaro sini nga ang Inter-Agency Task Force (IATF) ang magadihon kag magapasaka sang kaso batok sa mga ini.
