Commission on Human Rights 6, nagpanugyan sa publiko nga magsunod sa health protocol sa pagbisita sa mga patyo subong nga pista minatay

ILOILO CITY — Nagahingyo ang Commission on Human Rights (CHR) 6 sa publiko ilabi na ang magabisita sa mga patyo antes kag sa adlaw sang pista minatay.

Sa interview sang Radyo Bandera Iloilo kay Atty. Jonnie Dabuco, CHR 6 Regional Director nga i-obserbar ang nasambit nga kahiwatan nga may paghalong bangud may mga kaso pa sa gihapon sang COVID-19.

Dugang pa niya, nga wala man sang perdihon kun sundon ini bangud maga-serbe man ini nga proteksyon sa tagsa ka indibidwal kag sa iban pa gid nga pumuluyo.

Nagapalab-ot man siya sa city kag provincial government nga hatagan sang option ang mga indi bakunado agud makabisita sa ila himata.