Monday, December 5, 2022

Congressman Ferj Biron, nagpanguna sa pagpanghatag sang mga relief foods kag items sa mga residente nga nahalitan sanG Bagyo Paeng sa Cuarto Distrito

- Advertisement -

Ginpangunahan ni Congressman Ferj Biron ang ginpatigayon nga inspeksyon sa mga kabanwahan sa Cuarto Distrito nga naapektuhan sang Bagyo Paeng.

Sa interview sang Radyo Bandera Iloilo kay Cong. Biron, gina-review sa karon nila ang sitwasyon kag nangin maayo ang resulta sang release distribution humalin sang Lunes tubtob sang weekend kag ginareplenish na lang subong ang mga relief items sa iban nga kabanwahan nga nagakulang pa kaangay sang Dumangas kag San Enrique.

Dugang pa niya, nakapauli na sa ila panimalay ang mga evacuees sa siyudad sang Passi, banwa sang Dingle, Dueñas kag Banate.

- Advertisement -

Sa bahin naman sang Barotac, may nabilin pa nga evacuees sa evacuation center kag nagalaum man si Congressman Biron nga sa masunod nga mga inadlaw, makapauli na sila sa ila panimalay.

Ginpakigbahin man ni Biron nga wala sang mayor nga imprastraktura nga nahalitan maluwas lang sa taytay nga narumpang sang tinalikdan nga Bagyo Agaton kag bastante man ang ginhatag nga pondo sang DPWH diri.

Samtang, nagapalano man si Biron kaupod ang mga Mayor sang mga kabanwahanan sa Cuarto Distiro nga ang mga areas of concern ukon mga prone sa tubig baha ang pangitaan sang relocation site bilang long term nga program sang gobyerno.

- Advertisement -

Nagpanugyan man ang Congressman sa mga pumuluyo nga maghalong kag mag-aligmat bangud sunod-sunod nga bagyo ang nagasulod karon sa pungsod.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles