Wednesday, August 17, 2022

Construction worker dakop sa drug buybust operation sang SDET-1 ICPS1

- Advertisement -

ILOILO CITY — Dakop sa drug buybust operation ang isa ka construction worker sa ginpatigayon nga drug buybust operation sang Station Drug Enforcement Team – 1 (SDET1), Iloilo City Police Station 1 (ICPS1) sa Zone 1, Brgy. Tanza Esperanza, City Proper, las 2:35 sang hapon, Hulyo 21, Huwebes.

Ang arestado ang ginkilala kay Joemer Sison, 41-anyos, may asawa kag kabataan, residente sang nasambit nga lugar.

Sa interview sang Radyo Bandera Iloilo kay Wilbur Orada, punong barangay sang amo nga lugar, ginpahayag sini nga madugay na nga naga-engage sa iligal nga druga si Sison.

- Advertisement -

Suno pa kay Orada, ginpatawag niya ang suspek agud istoryahon kuntani angot sa padayon nga paghimo sang iligal nga hilikuton, apang, nagapalagyo ini kag wala nagapakita, rason nga ginreport sang punong barangay sa mga otoridad kag ginpatigayon ang pagmonitor.

Natigayon nga mabaklan ang suspek sang isa ka sachet sang transparent plastic sang suspected shabu gamit ang P2,200 bilang drugbust money.

Nagapanginpadlos si Sison kag todo panginwala nga wala siya nagabaligya, kag siya ang nagagamit gid lang sang shabu.

- Advertisement -

Nagatalangison naman ang asawa kag kabataan sini bangud dakop ang ila padre de pamilya. Preso na karon ang suspek sa talatapan sang ICPS1 kag magapangatubang sang kaso sa paglapas sa RA. 9165 ukon ang Comprehensive Dangerous Drugs Act of 2002.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
916SubscribersSubscribe
- Advertisement -

Latest Articles